артиллериядан атуды түзету

артиллериядан атуды түзету
(Корректирование артиллерийского огня)
артиллериялық снарядтар (миналар) жарылыстарының нысанадан ауытқуын анықтау және көздеу құралдарының қондырғыларына қашықтықтан басқарылатын жарғыштарға (түтіктер) немесе атысты басқару аспаптарына бағыт, қашықтық және биіктік бойынша түзету енгізу. Артиллериядан атуды түзету жер үстіндегі бақылау пункттерінен, тікұшақтардан, ұшақтардан қойылған міндетті орындауға дейінгі атыс процесінде жүргізіледі. Нысаналардан жарылыстардың ауытқуы оптикалық, электронды-оптикалық және басқа аспаптардың, радиолокациялық станциялардың, дыбыспен барлау құралдарының көмегімен анықталады. Жарылыстарды бір пункттен белгілеуде қашықтық бойынша ауытқу-ды – метрмен, бағыты мен қашықтығы бойынша – бұрыш өлшегіш бөліктерімен өлшейді. Жарылыстарды екі немесе одан да көп пункттен бірлесіп бақылау немесе дыбыспен барлау көмегімен белгілеуде жарылыстардың нысанадан ауытқуын әрбір пункт үшін бағыт бойынша өлшейді. Түзетулерді анықтау үшін өлшенген жарылыс ауытқуларын атыс позицияларына арнап, графикалық және түзетулерді есептеу аспаптарының көмегімен есептеу арқылы өзгертеді. Артиллериядан атуды түзету дәлдігі жарылыстарды белгілеуге арналған аспаптардың сипатына, жарылыс санына, байқау қашықтығына, белгілеу бұрышының мөлшеріне және т.б. байланысты. Түзетулердің дәлдігін сипаттайтын ортаңғы қателіктер, әдетте, снарядтардың шашырауының қашықтық бойынша, бүйір жақ бағыттағы және биіктіктегі ортаңғы ауытқуының мөлшерінде көрінеді.

Казахский толковый терминологический словарь по военному делу. — Мектеп.

Поможем написать реферат

Поделиться ссылкой на выделенное

Прямая ссылка:
Нажмите правой клавишей мыши и выберите «Копировать ссылку»